Чүйдө кыз ала качууга шектүү жигиттер кармалышты

Чүй облусунун аймагында кыз ала качууга шектүү эки жаран кармалып, убактылуу кармоо жайына киргизилди. Бул тууралуу 14-январда облустук милициянын басма сөз кызматы билдирди.

Маалыматка ылайык, кечээ, 13-январда милицияга Кожомкул айылынын 18 жаштагы тургуну арыз менен кайрылган. Ал 13-январда саат 00:30 чамасында өзүнө чала тааныш Н., аттуу жаран жана анын таанышы күч колдонуу менен никеге туруу максатында, Step Wagon үлгүсүндөгү автоунаага күчтөп отургузуп, уурдап кетишкенин билдирген.

Аталган факт боюнча Кылмыш-жаза кодексинин 172-беренеси (Никеге туруу максатында ала качуу) менен кылмыш иши козголгон. Шектүү катары 24 жаштагы Б.Н., 23 жаштагы Ш.Н. кармалып, убактылуу кармоочу жайга киргизилди.

Учурда тергөө иштери улантылууда.

Автор: Айжанар Рыспек кызы
Фото: Чүй ОИИББ