Кыргызстандын Улуттук курама командасынын оюнчусу Гүлжигит Алыкулов Беларус Республикасынын чемпиондугунун Жогорку лигасындагы "Динамо-Минск" футболдук клубу менен расмий келишим түздү. Бул тууралуу 21-январда Кыргыз футбол биримдиги маалымдады.
"Өткөн сезондо Гүлжигит "Торпедо" клубунун намысын коргоп, өзүнүн чеберчилигин жана мүнөзүн көрсөтө алган. Биз улуттук курамабыздын оюнчусу менен сыймыктанабыз жана жаңы клубунда чоң ийгиликтерди каалайбыз", - деп айтылат билдирүүдө.
Белгилей кетсек, футболчу мурда "Дордой", "Алга", "Неман", "Кайрат" жана "Торпедо" клубдарында ойноп, улуттук курамада 47 оюн өткөрүп, 6 гол киргизген.