MEGA санариптик коопсуздук эрежелери тууралуу эскертет

MEGA мамлекеттик уюлдук байланыш оператору абоненттерге телефон чалууларда сак болууну эскертет. Айрым учурларда, алдамчылар өздөрүн оператордун кызматкерлери катары тааныштырып, SMS коддорун же жеке маалыматтарды алууга аракет кылышы мүмкүн.

Көңүл буруңуз: MEGA менен түзгөн келишимиңиз мөөнөтсүз жана узартууну талап кылбайт. SMS коддоруңузду үчүнчү жактар менен бөлүшүү номериңизге, банк колдонмолоруна жана каражаттарыңызга кирүү мүмкүнчүлүгүңүздү жоготууга алып келиши мүмкүн.

Эсиңизде болсун:

• SMS коддорду эч ким менен эч кандай шартта бөлүшпөңүз;
• MEGA компаниясынын кызматкерлери телефон аркылуу же мессенджерлер аркылуу жеке маалыматты сурабайт;
• Эгерде сизге шектүү чалуулар келип түшсө, сүйлөшүүнү токтотуп, *500 номери же расмий каналдар аркылуу MEGA колдоо кызматына кайрылыңыз.

Маалыматтарыңызды коргоңуз — коопсуздугуңуз ар дайым сиздин колуңузда.

КР МБА лицензиялары: №14-1133-КР, №18-0326-КР, №18-0303-КР, №15-1446-КР, №16-0090-КР, №18-0261-КР