Орусия, АКШ жана Украина ортосундагы сүйлөшүүлөр Женевада башталды

Бүгүн, 17-февралда Орусия, АКШ жана Украина өкүлдөрүнүн ортосунда үч тараптуу сүйлөшүүлөр Женева шаарында башталды. Бул тууралуу “Известия” басылмасы өз булактарына шилтеме берүү менен жазды.

Расмий тараптар азырынча сүйлөшүүлөрдүн күн тартиби жана мазмуну боюнча кеңири маалымат бере элек.

Алдын ала маалыматтарга караганда, тараптар коопсуздук маселелерин, куралдуу жаңжалдын жүрүшүн жана аны жөнгө салуунун мүмкүн болгон жолдорун талкуулашы мүмкүн. Ошондой эле гуманитардык маселелер, анын ичинде туткун алмашуу жана жарандык инфраструктуранын коопсуздугу сыяктуу темалар көтөрүлүшү ыктымал.

Автор: Айзада Кыдырмышева