Италияда өткөн 2026-жылкы Кышкы Олимпиада оюндары расмий түрдө жыйынтыкталды.
Медалдык эсеп боюнча биринчи орунду Норвегия курама командасы ээледи. Норвегиялык спортчулар жалпысынан 41 медаль утуп алышты: 18 алтын, 12 күмүш жана 11 коло.
Экинчи орунга АКШ курама командасы жайгашты. Алар 12 алтын, 12 күмүш жана 9 коло медалга ээ болушту.
Үчүнчү орунду Нидерланддын курама командасы камсыз кылды. Бул команда 10 алтын, 7 күмүш жана 3 коло медаль жеңип алды.
22-февралда - мелдештердин акыркы күнүндө беш медаль топтому ойнотулду. Жеңүүчүлөр жана байге ээлери хоккей, лыжа жарышы, бобслей, кёрлинг жана фристайл боюнча аныкталды.
