Албаниядагы рейтингдик турнир: Бүгүн Мээрим Жуманазарова күч сынашат

Албаниянын Тирана шаарында спорттук күрөш боюнча эл аралык рейтингдик "Muhamet Malo-2026" турнири уланууда.

Дене тарбия жана спорт мамлекеттик агенттигинен билдиришкендей, мелдештин үчүнчү күнүндө, бүгүн, 27-февралда, Кыргызстандын атынан беш балбан күч сынашат. Алардын экөө - кыз-келиндер күрөшү боюнча, үчөө - грек-рим күрөшү боюнча таймашка чыгат.

Кыз-келиндер күрөшү:

• Гүлнур Таштанбекова (65 килограммга чейин);

• Мээрим Жуманазарова (68 килограммга чейин).

Грек-рим күрөшү:

• Илгиз Каныбеков (77 килограммга чейин);

• Асан Жанышов (87 килограммга чейин);

• Азат Салидинов (87 килограммга чейин).

Бул күнү кыз-келиндер 59, 62, 65 жана 68 килограммга чейинки салмак категорияларында байгелерди талашат. Ал эми грек-рим күрөшүнүн балбандары 77 жана 87 килограммга чейинки салмактарда күч сынашат.

Беттештер Бишкек убактысы боюнча саат 15:30да башталат.

Автор: Айзада Кыдырмышева