Таласта ок атуучу куралдар сакталган жай табылды

Таласта шаарында ок атуучу куралдар жана ок-дарылар сакталган жай табылды. Бул тууралуу 3-мартта Улуттук коопсуздук мамлекеттик комитетинен билдиришти.

Маалыматка ылайык, ок атуучу куралдарды жана ок-дарыларды мыйзамсыз жүгүртүүгө каршы күрөшүү боюнча жүргүзүлүп жаткан ыкчам иш-чаралардын натыйжасында, курал-жарак сакталган жай аныкталды. Текшерүү учурунда төмөнкүлөр алынган:

12 жана 16 калибрлүү (кесилген стволдуу) жылмакай мылтыктар – 2 даана;
3 даана кичинекей калибрлүү мылтыктар;
2 даана травматикалык тапанча (ПМ);
1 даана үн чыгаруучу граната;
71 даана 5,45 калибрлүү ок-дарылар жана 26 даана 7,62 калибрлүү ок-дарылар.
Учурда бул фактыга тиешеси бар адамдарды аныктоо боюнча иш-чаралар жүргүзүлүүдө.