Түштүк Корея Кыргызстандын мамлекеттик органдарына электромобилдерди тапшырды

Түштүк Корея Кыргызстандын мамлекеттик органдарына Hyundai IONIQ 5 үлгүсүндөгү 10 электромобилди тапшырды. Бул тууралуу Экономика жана коммерция министрлиги билдирди.

Маалыматка ылайык, унаалар “Кыргызстанда “жашыл” мобилдүүлүктү ишке ашыруунун алкагында мамлекеттик кызматтардын автопаркын электр унааларына өткөрүү боюнча долбоордун” алкагында берилди.

"Мындан ары кызматтардын сапатын жогорулатуу жана экологиялык туруктуу чечимдерди киргизүү максатында “Кыргыз почтасы” ААКсынын автопаркын модернизациялоо жана өлкөнүн мамлекеттик органдары үчүн тиешелүү заряддоо инфраструктурасын түзүү каралган",- деп айтылат маалыматта.

Автор: Меерим Кабылова
Фото: Экономика министрлиги