Баткен облусунун Кадамжай районундагы Кызыл-Булак айылынын тургуну Эламан Кудуретила уулу чек ара тилкесиндеги тоого 15 метрлик флагшток орнотуп, Кыргызстандын мамлекеттик туусун илди. Анын бул видеосу интернет желесине тарады.
Бул айыл Өзбекстандын Шахимардан анклавы менен чектешет. Чек арада чеп болуп жашаган тургундун бул аракети социалдык тармактарда талкуу жаратып, патриоттук кадам катары бааланууда.