Тегеран күчтүү бомбалоого дуушар болуп, ири аскердик комплекс талкаланды

4-марттын кечинде Ирандын борбору Тегеран шаарында катуу жардыруулар болду. Жардыруулардын видеолору социалдык тармактарда тарады. Кадрларда шаар аймагында бир нече жарылуу болгонун көрүүгө болот.

Израиль Ирандын аскердик инфраструктурасына сокку урганын билдирди

Израилдин коргонуу армиясы – Israel Defense Forces (ЦАХАЛ) шаршемби күнү кечинде Тегерандагы Иран режими колдонгон аскердик инфраструктурага сокку урулуп жатканын маалымдады.

Аскердик билдирүүгө ылайык, Израиль күчтөрү Тегерандын чыгыш бөлүгүндөгү ири аскердик комплексин талкалаган. Ошондой эле төмөнкү объектилер бутага алынганы айтылды:

Islamic Revolutionary Guard Corps (КСИР) штаб-квартирасы;
Ирандын чалгындоо башкармалыгынын башкы штабы;
Basij түзүмүнүн штабы;
Quds Force бөлүгүнүн штабы;
Ички коопсуздук күчтөрүнүн башкармалыгы.

F-35 истребители ирандык учакты атып түшүргөнү айтылды

ЦАХАЛдын маалыматына караганда, Тегерандын асманында Израилдин F-35I “Adir” истребители Иран аба күчтөрүнө таандык Як-130 учагын атып түшүргөн.

Аскердик билдирүүдө белгиленгендей, бул F-35 “Adir” учагы тарыхта биринчи жолу пилоту бар согуштук учакты атып түшүргөн учур болуп эсептелет.

Тегеранда жардыруулар уланууда

Al Jazeera телеканалынын маалыматына ылайык, бейшемби күнү эртең менен да Тегеранда мезгил-мезгили менен жардыруулар угулуп жаткан.

Телеканалдын кабарында:

"Акыркы бир нече сааттан бери соккулар уланууда… кээде Ирандын борборунун ар кайсы аймактарынан күчтүү жардыруулардын үнү угулууда",- деп айтылат.

Курман болгондор тууралуу маалымат

Tasnim News Agency агенттиги билдиргендей, АКШ менен Израилдин соккуларынан башталган согуштук аракеттердин алкагында 1045 адам каза тапкан.

Ал эми Red Crescent Society of Iran уюмунун өкүлү Можтаба Халид 940 адам каза болгонун билдирген. Анын айтымында, бул акыркы маалымат эмес, анткени айрым жерлерде издөө-куткаруу иштери дагы деле уланууда.

Автор: Максуда Кудайбердиева