Ош облусунун Гүлчө шаарына кичи автобустар алынып келди. Бул тууралуу аталган шаардын мэриясынан билдиришти.
Маалыматка ылайык, Кыргызстанда чыгарылган Исузу үлгүсүндөгү 30 орундуу кичи автобустар, мамлекеттик лизинг компаниясы менен келишимдин негизинде алынды. Аталган кичи автобустар Гүлчө шаарынын аймагында ички каттамдарды жүргүзөт.
Алай районунун башчысы Чыңгыз Бапаев, Гүлчө шаарынын мэри Нурсултан Тажибаевге кичи автобустардын ачкычын тапшырды.