Ош шаарынын мэри Жанарбек Акаев "Ош ТВ" телеканалына жаңы кызматтык автоунаа белек кылды. Бул тууралуу калаанын басма сөз кызматы билдирди.
Маалыматка ылайык, аталган унаа телеканалдын ишмердүүлүгүн жакшыртып, журналисттердин шаардагы коомдук, социалдык жана маданий иш-чараларды ыкчам чагылдыруусуна шарт түзөт.
"Буюрса, дагы жаңы деңгээлге чыгарбыз. Шаардын, президенттин, мамлекеттик саясатын чагылдырууда "Ош ТВнын" орду чоң",- деген мэр.
Мындан тышкары, шаар мэри маалыматтык иштерди дагы да күчөтүү зарылдыгын баса белгилеп, телеканал кызматкерлеринин айлык акысы көтөрүлөрүн кошумчалады.