Германия Дональд Трамптын демилгесин колдогон жок

Германиянын коргоо министри Борис Писториус АКШ президенти Дональд Трамп сунуштаган Жакынкы Чыгышка аскердик кемелерди жөнөтүү демилгесин колдогон жок. Бул тууралуу чет элдик басылмалар жазышты.

Маалыматка ылайык, Писториус немис кемелерин Жакынкы Чыгышка жөнөтүү мүмкүнчүлүгү тууралуу суроого жооп берип жатып, Германия үчүн негизги артыкчылык НАТОнун чыгыш канаты жана Атлантика океаны экенин билдирди.

Маалым болгондой, 14-мартта Дональд Трамп Кытай, Франция, Япония, Түштүк Корея, Улуу Британия жана башка өлкөлөрдү Ормуз кысыгына кемелерди жөнөтүп, деңиздеги коопсуздукту камсыздоого чакырган.

Автор: Айзада Кыдырмышева