Жылнаама: 27-февраль, мындан 7 жыл мурун ЖКнын имаратынын алдында Сабыржан Сабиров өзүн-өзү өрттөп жиберген

*1961-жылдын дал ушул күнү кинорежиссёр, сценарист Эрнест Абдыжапаров жарык дүйнөгө келген. Ал көпчүлүккө белгилүү “Таранчы”, “Беш-Терек”, “Босого”, “Саратан”, “До+Фа” тасмаларынын жаратуучусу. Анын тасмалары 20дан ашуун эл аралык фестивалдарда киночулардын жогору баасына арзыган.

*1988-жылдын 27-февралында Орусиянын Сургут шаарында учак кыйрап, 20 адам каза болуп, 31 адам аман калган. Мындай окуя учактын аэропортко конор маалында болгон.

*Мындан 7 жыл мурун ЖКнын имаратынын алдында Сабыржан Сабиров өзүн-өзү өрттөп жиберген. Ал баласына карата акыйкат сот өкүмү чыкпаганына нааразы болгон. Денесинин 96 пайызы күйүк алган. Мындан улам 3 күндөн кийин каза болуп калган.

*Мындан 4 жыл мурун Чилиде күчү 8,8 баллга жеткен зилзала катталып, чоң суу толкунун пайда кылган. Анын кесепетинен 802 адам көз жумган.

Жылнаама толугу менен бул жакта...

Автор: Бекжан Рыскулов