Жалал-Абад шаарынын мэри Муктар Арапбаевге шаардын тазалыгы боюнча эскертүү берилди

Бүгүн, 20-мартта өкмөттүн Жалал-Абад облусундагы ыйгарым укуктуу өкүлү Жусупжан Жээнбеков Жалал-Абад шаарынын Ленин көчөсүнүн абалы менен таанышып чыкты. Бул тууралуу өкүлчүлүктүн басма сөз кызматы билдирди.

Анда маалым болгондой, 2010-жылдагы окуядан кийинки дубалдардын архитектуралык талаптарга жооп бербегендигинен жана актап-сырдалбаганынан улам Ж.Жээнбеков шаар мэри Муктар Арапбаевге көчө тазалыгын иретке келтирүү тапшырмасын берди. Бул үчүн шаар мэрине 25-мартка чейин, 5 күн мөөнөт берилди.

Мындан сырткары шаарды жашылдандыруу максатында жаңы отургузулган көчөттөрдүн өсүүсүн карап, жашылдандырууга шарт түзүү тапшырмасы берилди.

Автор: Ширин Турдакунова