Жоголгон малайзиялык учактагы жүргүнчүлөрдүн жакындары Кытайда баш аламандык уюштурушту

8-марттан бери дайынсыз жоголгон малайзиялык учактагы жүргүнчүлөрдүн жакындары кечээ, 25-мартта Пекиндеги Малайзиянын элчилигинин астында баш аламандык уюштурушту. Бул тууралуу чет элдик маалымат каражаттары жазып чыгышты.

Маалыматка ылайык, алар "бизге ушул кезге чейин жалган маалымат берип келишти" деп бийликти күнөөлөшкөн. Колдоруна "Малайзия авиалиниясы", силер бизге баарын түшүндүрүп беришиңер керек!", "Биз чындыкты билгибиз келет!", "Жакындарыбызды кайтарып бергиле!" деп жазылган плакаттарды көтөрүп алышкан демонстранттар элчиликтин имаратынын тосмосун бир нече жолу бузуп, суу куюлган бөтөлкөлөрдү ыргытышкан. Элчиликтин кызматкерлеринин коопсуздугун сактоого кытай аскерлери, полиция кызматкерлери жана атайын кызматтын агенттери келишкен. Баш аламандык учурунда бир аялдын гана эс-учун жоготкону болбосо, бактыга жараша, жабыркагандар болгон эмес.

Белгилей кетсек, 24-мартта Малайзиянын премьер-министри Нажиб Разак жоголгон учактын Инд океанына түшкөнү жана андагы жүргүнчүлөрдүн тирүү калганынан күмөн санап жаткандыгы тууралуу маалымат тараткан эле. Азырынча учактын калдыктары табыла элек.

Эске салсак, 8-март күнү Малайзиянын Куала-Лумпур аба майданынан Кытайдын Пекин шаарына сапар тарткан Боинг-777-200 учагы 239 жүргүнчүсү менен дайынсыз жоголгон. Учак асманга көтөрүлгөндөн 2 саат өткөн соң байланыш үзүлгөн. Акыркы жолу экрандан анын Вьетнам жана Малайзиянын ортосундагы деңиздин үстүндө учуп баратканы көрүнгөн.

Автор: Дамира Арстанова

09:35 26-03-2014

Жазылуу

РУБРИКАДАГЫ СОҢКУ КАБАРЛАР

17:52 2024-05-18 | Коом жана турмуш

Бишкекте көп балалуу энелерди акимдер куттукташты 32 0

16:17 2024-05-18 | Түркүн дүйнө

Ооганстанда каза болгон чет элдик туристтер: Евробиримдик кол салууну айыптады 624 0

15:34 2024-05-18 | Коом жана турмуш

"Айыптайбыз". Министрлер кабинети Бишкектеги окуя боюнча билдирүү жасады 1376 0

14:17 2024-05-18 | Спорт

"Орта Санчес, Гераи...". Амантур Исмаиловдун Олимпиададагы атаандаштары кимдер? (тизме) 407 0

13:28 2024-05-18 | Коом жана турмуш

Бишкектеги окуя: Кыргызстан Пакистандан маалымат каражаттарына түшүндүрүү жүргүзүүнү суранды 1624 0

13:00 2024-05-18 | Коом жана турмуш

Пакистандын элчилиги Бишкектеги окуяга реакция жасады 2848 0

Архив

Комментарийлер (6)

Cholpontai

2014-03-26 11:31:52

Табылышын каалап жатам.аман соо табылса экен

lusi2013

2014-03-26 12:57:25

Cholpontai, кандай табылат?инди океанына кулаган деп,жатышат го,жакындарын жоготкондорго керек болсо акча болобуз деп жатышбайбы???

-1

LISICHKA

2014-03-26 13:18:48

Кудайым ар кандай кырсыктан сактай кор.

aitowa11

2014-03-26 15:47:27

Булар толук маалымат бербей жатат. Бир нерсе болгон оздору билсе керек.

youngyoung

2014-03-26 17:40:45

Дагы деле ырастоочу так маалыматтары жок, дээрлик 20 кундон бери таба алышпай айласы кетип, жакындарына ушундай кабар угузушту.
Кудайдын кудурети болуп, аман-эсен бир кычыктан табылса...

risbek_81b

2014-03-26 21:31:24

21 кылым техника онукту деген менен адам баласы дагы еле алсыз екендигин корсотуп койду,20 кундон бери чон учакты таппай жатышат 30 мамлекет биригишип,аланын амири менен бир жерден табылып калса еле.

Комментарий калтыруу үчүн өз ысымыңыз менен кириңиз же каттоодон өтүңүз.