Мүмкүнчүлүгү чектелген жарандардын ассоциациясы министрлик менен социалдык турак жай маселесин талкуулады

Мүмкүнчүлүгү чектелген жарандардын ассоциациясы жашоо шарттарын жакшыртуу максатында тиешелүү министрлик жана ЖКнын Адам укуктары боюнча комитети менен жолугушту.

Жолугушууда мамлекеттик органдар былтыркы жылдан бери жасалган иш-аракеттери жөнүндө отчёт тапшырышты. Жеткиликтүү социалдык турак жайлар, дары-дармекке болгон кымбат баалар, таяныч-кыймылдатуучу аппаратынан жабыркаган балдарга мектеп-интернаттарынын санын көбөйтүү маселеси талкууланды.

Социалдык өнүгүү министрлигинин өкүлдөрүнүн маалыматына караганда, көп маселелердин чечими аталган министрликтин демилгеси менен ишке ашып жаткан социалдык-медициналык экспертизада камтылган. Негизги максат - аларга билим берүү, жумушка орноштуруу, ошондой эле жашоо шарттарын жакшыртуу жана транспортто жүрүүсүн жеңилдетүү. Бул тууралуу 26-мартта министрликтин басма сөз кызматы кабарлады.

Автор: Айпери Ганыжан кызы