Социалдык өнүгүү министрлиги: 156 миңге жакын адам майып катары расмий каттоого турган

Кыргызстан боюнча 155 893 адам майыптыгы боюнча расмий каттоодо турат. Анын ичинен 26 672си 18 жашка чыга элек өспүрүмдөр, алар ай сайын 3-5 миң сомго чейин жөлөк пул алышат. Бул тууралуу Социалдык өнүгүү министрлигинин басма сөз кызматы билдирди. Маалыматка ылайык, 25 882 адам бала кезинен бери 1, 2, 3- топтогу, ал эми 5653 адам - 1, 2, 3-топтордогу мүмкүнчүлүгү чектелген жарандар.

Кыргызстандагы мекеме-ишканаларда, окуу жайларда жана коомдук транспортто ден соолугунун мүмкүнчүлүгү чектелген жарандардын жүрүшүнө шарттар түзүлө элек. Азиздер жана кулагы укпагандар үчүн атайын мектептер бар. Ал эми буту-колу оорулуулар жалпы мектептерде окуп келишүүдө.

Автор: Мальвина Уметбекова