Кыргызстандан Сирияга 20га жакын адам кеткени аныкталды

Ош шаарынан Сириядагы согушка 20га жакын адам кеткени аныкталды. Бул тууралуу Ош облустук Ички иштер башкармалыгынын маалымат кызматы билдирет.

Маалыматка таянсак, Сириядагы жарандык согушка бүгүнкү күнгө чейин Ош жана Баткен облусунан жалпы 54 адам кеткени айтылган. Жүргүзүлгөн иш-аракеттердин натыйжасында Сирияга 20 адам кеткени белгилүү болуп, ал эми 12 адамдын чет өлкөгө чыкпаганы аныкталды. Калган 22 адам тууралуу маалымат толук такталып бүтө элек.

Ошондой эле Кара-Суу районунан Сирияга кетүүгө камынган 7 адам кармалган. Учурда алар "Кыргызстандын аймагында теракт уюштурууну пландашкан" деп шектелүүдө.

Автор: Мальвина Уметбекова