Улуттук филармонияда 7-Апрель революциясында курман болгон баатырларды эскерүү кечеси болуп өттү (фоторепортаж)

"Камбаркан" фольклордук ансамбли "Баба мурасы" күүсүн чертти.

Төкмө акын Азамат Болгонбаев 7-Апрель окуясында курман болгон азаматтардын жаркын элесине арналган ырын аткарууда.

Кечеде концерттик программа тартууланды.

7-Апрель революциясы сахналаштырылып коюлду.

"Айкөл Ала-Тоо" коомдук бирикмесинин башчысы Мирбек Мискенбаев "бул кечени саясатташтырбай, болгону баатырларды эскерүү иретинде уюштурдук" деди.

Роза Отунбаева элге кайрылып жатып жашып кетти.

Экс-президент Роза Отунбаева сахнага чакырылганда аны эл туруп тосуп алды.

Эскерүү кечесине ЖКнын спикери А.Жээнбеков да келди.

Эскерүү кечесинде гимн аткарылды.

Баатырлар кийинки муундун эсинде түбөлүк сакталыш үчүн бул кечеге студенттер да чакырылган.

Эскерүү кечесине келген бийлик өкүлдөрү

Баатырларга таазим...

Баатырларды эскерүү кечесине жаш балдар да келишти.

Эскерүү кечесине 7-Апрель окуясында курман болгон баатырлардын жакындары жана катышуучулары чакырылган.

Эскерүү кечесине 7-Апрель окуясында курман болгон баатырлардын ата-энелери жана катышуучулар чакырылган.

Бүгүн, 26-мартта “Баатырларга таазим” деген аталышта 7-Апрель революциясында курман болгон баатырларды эскерүү кечеси Т.Сатылганов атындагы Улуттук филармонияда болуп өттү.

Ага КРнын мурунку Президенти Роза Отунбаева, Жогорку Кеңештин спикери Асылбек Жээнбеков, вице-премьер-министрдин милдетин аткаруучу Тайырбек Сарпашев, экономика жана антимонополия министринин милдетин аткаруучу Темир Сариев катышып, сөз сүйлөштү. Ошондой эле кечеге мекен үчүн курман болгон эр-азаматтардын бир туугандары, ата-энелери чакырылган.

Баатырларды эскерүү кечесине келгендерге 7-Апрель окуясы сахналаштырылып көрсөтүлүп, ошол күндү эске салды. Алардын урматына ырчылар Г.Суранчиева, У.Усенов, С.Садыкова, төкмө акын Азамат Болгонбаев мекен темасындагы ырларды аткарышса, "Камбаркан" фольклордук ансамбли "Баба мурасы" күүсүн чертип берди.