Ош. Айтмамат Кадырбаев шаардагы сейил бакты талапка ылайык иштете албаган жетекчилердин ишин сынга алды

Бүгүн, 9-апрелде Ош шаарынын мэри Айтмамат Кадырбаев шаардагы Токтогул, Мээрим жана Навои атындагы сейил бактарынын ишмердүүлүгү менен таанышып, текшерип чыкты. Анда Токтогул атындагы сейил багында эч кандай иш-аракеттер көрүлбөй жатканын айтып, сынга алды.

"Башка өлкөлөрдө эс алуучу жайлар бюджетке салымын кошуп келишет. Биз силерге бюджеттен акча бөлүп келебиз. Силер шаардын ортосунан орун алган сейил бакты иштете албай жатасыңар. Бир метр жер да шаарга пайда алып келиши керек, бул жердин аянты - 9 гектар. Аракетиңерди көргүлө, бир метр да жөн турбасын",- деди ал.