Легендарлуу машыктыруучу Алекс Фергюсондун шарап коллекциясы 5 миллион долларга бааланууда

Англиялык “Манчестер Юнайтед” футболдук клубунун мурунку машыктыруучусу Алекс Фергюсондун шарап коллекциясы аукционго коюлат. Шарап коллекциясы жана экс-машыктыруучунун колу коюлган баалуу белектер жалпысынан 5 миллион долларга бааланып жатат. Бул тууралуу чет элдик маалымат булактары кабарлайт.

Аукцион 3 баскычтан туруп, алгачкысы 24-майда Гонконгдо (Кытай) өтөт. Анда аукционго коюлган ичимдиктин басымдуу бөлүгү сатылат. 30 пайызы июнь айында Лондондо сатылары күтүлүүдө. Азиялыктардан көбүрөөк кызыгууну күтүп жаткан аукциондун уюштуруучулары бул иш-чара Алекс Фергюсонду сыйлаган футбол сүйүүчүлөрүнүн эле эмес, шарап сүйүүчүлөрүнүн да кызыгуусун арттырарына үмүттөнүшөт.

Фергюсон 75 пайызы италиялык жана франциялык шараптардан турган коллекциясын 24 жыл аралыгында чогулткан. “Менин бүйүрүмдү кызытууда шарап футболдон кийинки орунда турчу. Машыктыруучу катары иштеп жүргөндө көп ойлордон алаксыганга дал ушул ичимдик жардам берчү” деп айтып келгени бар шотландиялык адистин.

Автор: Максат Кудайбердиев

14:14 18-04-2014

Жазылуу

РУБРИКАДАГЫ СОҢКУ КАБАРЛАР

23:55 2024-12-26 | Саясат

Ленинградда өткөн ЖЕЭКтин отурумунун жыйынтыгында бир катар документтерге кол коюлду 319 0

23:22 2024-12-26 | Коом жана турмуш

Ошто пиротехника жана тез татым саткандарга түшүндүрүү иштери жүргүзүлүүдө 325 0

22:42 2024-12-26 | Коом жана турмуш

Тилек Текебаев "Бүргөндү" чек ара тозотуна кызматтык аттарды тапшырды 810 0

21:57 2024-12-26 | Саясат

ТИМ Казакстандын аймагында кулаган учактан аман калган кыргызстандыктардын абалы тууралуу маалымат берди 1304 0

21:25 2024-12-26 | Түркүн дүйнө

Казакстанда Актаудагы авиакырсык болгон жерди видеого тарткан блогер кармалды (сүрөттөр) 2429 0

20:49 2024-12-26 | Түркүн дүйнө

ЕАЭБдин кеңейтилген саммити учурунда Пашинян менен Лукашенко кайым айтышты (видео) 2374 0

Архив

Комментарийлер (2)

Kutman88

2014-04-18 14:28:15

Ошол винону ичип алган адам бир омур мас болуп журсо керек э

Turtkuch

2014-04-18 14:51:49

Ал бир ботолко шарап эмес, шарап коллекциясы болгон сон коптогон ботолко болот ар кайсы жылдарга, ар кайсы жузум чарбачылыгы, династиясына таандык, ошондо ар бир ботолко 2000-100000 аралыгында болот болуш керек, аларды акчалуулар алат да, бизге окшогондор бир омур жыйып тергенин бир бутылкага алмаштырбай калды. Кыргызстандан барам десе Бабанов, Салымбеков, Атамбаев, Ч.Турсунбеков, Ж.Сатыбалдиев, Кадыржан Батыров ж.б. кучтуулор барса болот, алар учун 100 000$ 1 жумалык доходу

Комментарий калтыруу үчүн өз ысымыңыз менен кириңиз же каттоодон өтүңүз.