Бишкекте Меккедеги Аль-Харам мечитинин имамы парламент төрагасы жана депутаттар менен жолугушат

Бүгүн, 14-майда Бишкекке Арабия өлкөсүнүн Мекке шаарындагы Аль-Харам мечитинин имамы шейх Махир бин Хамид келди. Кыргызстан муфтиятынын басма сөз кызматынан Максат Атабаев билдиргендей, аны “Манас” Эл аралык аэропортунан Мамлекеттик дин иштери боюнча комитетинин директору Орозбек Молдалиев жана муфтий Максатбек ажы Токтомушев тосуп алды.

“Махир бин Хамид учурда мамлекеттик резиденцияда, ал бүгүн бешим намазынан соң Ак үй имаратында Жогорку Кеңештин төрагасы Асылбек Жээнбеков жана депутаттар менен жолугушат. Андан соң Кыргызстан мусулмандар дин башкармалыгынын муфтиятында болот”,- деди Атабаев.

Шейх Махир бин Хамид 14-15-16-май күндөрү жасаган иш сапарынын алкагында бир катар тиешелүү адамдар менен жолугушат.

Автор: Жамалидин Парманкулов