Аксы районунда 21 655 бала мамлекеттик жөлөк пул алат

Аксы районунда 2014-жылдын алгачкы 3 айында 6887 үй-бүлө жөлөк пул алды. Берилген жөлөк пулдун суммасы 50 миллион 849 миң сом. Муну бүгүн, 14-майда SUPER.KG порталына Аксы райондук социалдык өнүгүү башкармалыгынын жетекчиси Садырбек Жаналиев билдирди. Айтымында, жөлөк пул район боюнча 21 655 балага берилет.

Маалыматка таянсак, райондо ата-энесиз 68 бала бар. "Алардын ар бирине кам көрүлөт, майрам күндөрү райондун борборундагы аттракциондор аларга акысыз болот. Бекер балмуздактар берилет. Быйыл да 1-Июнь - Балдарды коргоонун эл аралык күнүнө карата ири иш-чара өтөт", - деп билдирди Жаналиев.

Автор: Автандил Добулбеков