Кыргызстандык спортчу Айаал Лазарев Орусияда өткөн эркин күрөш боюнча эл аралык мелдеште 1-орунду ээледи

Кыргызстандык спортчу Айаал Лазарев Орусияда өткөн эркин күрөш боюнча эл аралык мелдеште 1-орунду алып, алтын медаль тагынды. Бул тууралуу орусиялык маалымат булактары жарыялады. Мелдеш 11-13-январда Красноярск шаарында өтүп, күч сынашуу аялдар жана эркектер арасында болду. Мында Кыргызстан, Орусия, Казакстан жана Өзбекстан мамлекеттеринин спортчулары таймашты. Абсолюттук оор салмакта күрөшкөн мекендешибиз Айаал Лазарев казакстандык спортчуну жеңип, алтын медалга ээ болду.

Автор: Ширин Жумадилова