Каржы министрлиги: 2015-жылы экономика тармактарынын жалпы чыгымдары 43,8 миллиард сомго болжолдонууда

2015-жылга Кыргызстандын экономика тармактарынын жалпы чыгымдары 43,8 миллиард сомго долбоорлонууда. Анын 6,7 миллиард сому бюджеттик каражаттардын, 1 миллиард сомдун тегерегинде атайын каражаттардын жана 36 миллиард сом өнүктүрүү бюджетинин эсебинен каржыланмакчы. Бул тууралуу Каржы министрлигинин басма сөз кызматы билдирди.

Каржы министрлигинин адистеринин айтымында, келерки жылга бюджет долбоорунда Айыл чарба министрлигине 5,4 миллиард сом, Транспорт жана байланыш министрлигине 15,7 миллиард сом, Өзгөчө кырдаалдар министрлигине 1,6 миллиард сом, Энергетика министрлигине 17,4 миллиард сом, турак жай жана коммуналдык кызматтарга 1,5 миллиард сом, ошондой эле башка экономикалык маселелерге 2,1 миллиард сом бөлүү болжолдонууда.