Экс-мэр Иса Өмүркулов жана аны менен бирге айыпталып жатышкан мэриянын бир катар кызматкерлери соттун өкүмүн 5 сааттан бери күтүшүүдө

Октябрь райондук сотунда Иса Өмүркулов жана аны менен бирге айыпталып жатышкан мэриянын бир катар кызматкерлери соттун өкүмүн күтүшүүдө. Бул тууралуу сот отурумуна катышып жаткан кабарчыбыз бүгүн, 1-августта билдирди.

Анын айтымында, судья чечим чыгаруу үчүн кеңешүүчү бөлмөгө саат 10:30да эле кирип кеткен.

Эске сала кетсек, И.Өмүркуловго кылмыш иши 2013-жылдын 2-декабрында козголуп, 4-декабрда мэр өз каалоосу менен кызматтан кеткен. Экс-мэр Өмүркулов жана мэриянын кызматкерлери Дүйшөнбиев, Тезекбаев, Абдыкаров, Кадырмамбетов "Дайыр Асанов атындагы "Жеңиш" сейил багынын чек арасын аныктоодо бир катар мыйзам бузууларга барган" деп күнөөлөнүшүүдө.

Автор: Мирлан Өмүралиев