Таалайбек Айдаралиев: "Жер семирткич өндүрүүчү ишкананы курсак, айыл чарба тармагы бюджетке чоң кирешелерди түшүрө баштайт"

Бүгүн, 6-августта “2015-жылга республикалык бюджеттин жана 2015-2017-жылдарга болжолу жөнүндөгү” мыйзам долбоорун коомдук талкуулоодо КРнын Айыл чарба министри Таалайбек Айдаралиев: "Кыргызстанда жер семирткич өндүрүүчү ишкана куруш керек",- деди.

Анын айтымында, өлкө көз карандысыздык алгандан бери жер семирткичтин 1 килограммынын баасы 20 сомдон төмөндөбөй келүүдө. "Дыйкандар үчүн мындай баа кымбат. Бирок алар айласыздан сатып алышууда. Эгер жер семирткич өндүрүүчү ишкананы курсак, жер семирткичтин баасы 4 эсе арзандап, айыл чарба тармагы республиканын бюджетине чоң кирешелерди алып келе баштайт",- деди министр.

Автор: Нургазы Аматов