2015-жылы Энергетика министрлигинин бюджети быйылкыга салыштырмалуу 9,8 миллиард сомго жогорулатылат

2015-жылы КРнын Энергетика жана өнөр жай министрлигинин бюджети 17,3 миллиард сомду түзүүсү пландалууда. Анын ичинде: учурдагы бюджет - 54,1 миллион сом, өнүктүрүүнүн бюджети - 17 миллиард 323 миллион сом.

Мындан тышкары аталган министрликтин 2015-жылдагы чыгашаларынын көлөмү быйылкыга салыштырмалуу 9 миллиард 813 миллион сомго жогорулатылат. Бул жогорулатуу "КАСА 1000" жана Бишкек ЖЭБин реконструкциялоо долбоорлорун ишке ашырууга байланыштуу.

Бул тууралуу маалымат КРнын Каржы министрлигинин “2015-жылга республикалык бюджеттин жана 2015-2017-жылдарга болжолу жөнүндөгү” долбоорунда жазылган.

Автор: Нургазы Аматов