Ош. Нурланбек Атаназаров Ноокат райондук сотунун судьясы бойдон калды

Алмазбек Атамбаев 6-августта кол койгон жарлыктар менен «Кыргыз Республикасынын судьяларынын статусу жөнүндө» Кыргыз Республикасынын конституциялык мыйзамынын айрым ченемдеринин колдонулушун токтотуу тууралуу» мыйзамына ылайык, төмөнкүдөй токтом кылынат:

Кыргыз Республикасынын жергиликтүү сотунун судьясы Атаназаров Нурланбек Алайдиновичтин ыйгарым укуктары 2014-жылдын 7-августунан тартып узартылат.

Ошондой эле Нурланбек Атаназаров Ош облусунун Ноокат райондук сотунун судьясынын кызматын 2014-жылдын 7-августунан баштап улантты. Жарлыктар кол коюлган күндөн баштап күчүнө кирди. Бул тууралуу президенттин басма сөз кызматы билдирди.

Автор: Айпери Ганыжан кызы