Ноокат районунда Жогорку Кеңештин депутаттары катышкан көк бөрү оюну болуп өттү

19-январь күнү Ош облусунун Ноокат районунда улуттук оюндарды колдоо жана жайылтуу максатында Жогорку Кеңештин бир нече депутаттары катышкан көк бөрү оюну болуп өттү. Көк бөрүгө жалпысынан 1200дөй улакчы катышты. Депутаттар Ахматбек Келдибеков, Алтынбек Сулайманов, Акылбек Эшимов, Нурбек Мурашов, Нурбек Алымбеков, Назарали Арипов, Малик Осмонов, Абдыжапар Бекматов жана Өзгөчө кырдаалдар министри Кубатбек Боронов, анын орун басары Давлет Алымбеков улак тартышты. Айта кетсек, мелдештин байге фонду 1,5 миллион сомду түзүп, баш байгени Ноокат районунун көк бөрүчүсү Абдулазиз Көкүшев утуп алды.

Автор: Мээрим Жеңишбек кызы