Бүгүн парламенттеги фракция лидерлери жана депутаттар биометрикалык маалыматтарын тапшырышты (фоторепортаж)

Депутат Бөдөш Мамырова биометрикалык маалыматын кезекте туруп тапшырды.

Өмүрбек Текебаев: "Биометрикалык маалыматтар деп сүрөттү, манжалардын тактарын, көздүн сызыктарын, электрондук кол тамганы түшүнөм жана мунун баары биригип келип электрондук өкмөттү жайылтууга көмөкчү болот".

Жолдошованын бармак издери анык түшпөй бир топко убара тартты.

Оператор кыздардын жардамы менен кол издерин түшүрдү.

Жылдызкан Жолдошова да паспорту жок келип, бир топ убакыттан соң жардамчылары алып келип беришти.

"Ар-намыс" фракциясынын лидери Феликс Кулов паспорту жок келиптир.

"Республика" фракциясынын лидери Максат Сабиров биометрикалык маалыматын алгачкылардан болуп тапшырды.

Бүгүн, 28-августта Жогорку Кеңештин имаратында парламенттеги фракция лидерлери биометрикалык маалыматтарын тапшырышты. Маалымат тапшырууга “Ата Мекен” фракциясынын лидери Өмүрбек Текебаев, “Ата Журт” фракциясынын лидери Жылдыз Жолдошова, “Ар-намыс” фракциясынан Феликс Кулов, “Республикадан” Максат Сабиров катышты. Андан сырткары парламенттеги беш фракциянын айрым депутаттары келишти. Төрага Асылбек Жээнбеков менен КСДП фракциясынын лидери Чыныбай Турсунбеков келген жок.

Айта кетсек, КРнын Өкмөтү паспортту каалаган жарандарга 2015-жылдын июль айынан тарта таратып бере баштайт. Биометрикалык белгилерди бардык 16 жашка толгон кыргызстандыктар милдеттүү түрдө тапшырууга тийиш. Биометрикалык каттоо 2015-жылы боло турган парламенттик шайлоону ачык-айкын өткөрүүнү камсыздоого багытталган.

Автор: Жамалидин Парманкулов
Фото: Жамалидин Парманкулов