Израиль Палестинанын 400 гектар жерин басып алууну көздөп жатканы айтылууда

Израиль бийлиги "3 өспүрүм уурдалып, өлтүрүлдү" деген айыптоонун арты менен Иордан дарыясынын түндүк жээгиндеги Вифлеем аймагындагы палестиналыктарга тийиштүү 400 гектар жерди өздөрүнө өткөрүп алуу боюнча билдирүү таратты. Бүгүн, 1-сентябрда чет элдик ММКлар ал үчүн Израиль Палестинага бир жарым ай убакыт бергенин жарыялашты.

Палестина бул аракет Газа тилкесиндеги кырдаалды курчутат деп эсептөөдө. Палестина лидери Махмуд Аббастын басма сөз катчысы Набиль Абу Рдаинах: “Бул чечим өтө чоң туруксуздукту алып келет. Газадагы согуштан кийинки карама-каршылыкты күчөтөт”,- деди.