Москва районунун Петровка айылында аял зордуктаган деп шектелип 45 жаштагы эркек камакка алынды

Милицияга Москва районуна караштуу Петровка айылынын 31 жаштагы тургуну кайрылып, 2012-жылдын октябрь айынын орто чендеринде болжол менен түнкү саат 12:30дарда үйүнө “Бакыт” аттуу эркек киши мас абалында келип күч колдонуп зордуктагандыгын билдирген. Бул тууралуу Чүй ОИИБинин маалымат кызматы билдирди.“Мал ууру” аталышындагы рейд учурунда көрүлгөн чаранын негизинде Чүй ОИИБинин жана Москва РИИБинин из кубарлары биргеликте бул кылмышка шектүү адамды кармап, убактылуу кармоочу жайга жөнөтүштү. Кармалган адам ошол эле айылдын 45 жаштагы тургуну А.М. болуп чыккан. Учурда тергөө иш-чаралары жүрүп жатат.

Автор: Нурбек Абдыкадыров