Сузак районунда малдын массалык кырылуусу боюнча тергөө иштери уланууда

Жалал-Абад облусунун Сузак районунда малдын массалык кырылып калуусу боюнча тергөө иштери уланып жатканын Башкы прокуратуранын басма сөз кызматы билдирди. Т.Т. аттуу жергиликтүү тургун оспага каршы вакцина жүргүзөм деп Өзбекстандын жаранынан 4 миң доза вакцина сатып алган. Жыйынтыгында 2 миң 113 мал кырылып, жалпысынан 11 миллион 984 сом чыгым алып келген. Бул факт боюнча 5 кылмыш иши козголуп, учурда иш соттун кароосунда. Ошондой эле тергөө маалында Мамлекеттик ветеринардык департаменти, Мамлекеттик санитардык, ветеринардык жана фитосанитардык инспекция бул ишти контролго албагандыгы маалым болду.

Автор: Айдай Асанбекова