"Кыргызстандын эли энергетикалык кыйынчылыктарга чыдашы гана керек, башка жол жок" дейт депутат Рыспаев

"Кыргызстандын эли азыркы энергетикалык кыйынчылыктарга чыдашы гана керек, башка жол жок". Муну 16-октябрда "Парламент" радиосундагы маегинде депутат Кожобек Рыспаев билдирди. Депутат энергетикалык көз карандысыздыкка жетиш үчүн айрым тоскоолдуктарды жеңип өтүү зарыл экенин белгиледи. "Мына, Камбар-Ата 1 ГЭСин курууга Өзбекстан каршы чыгууда. Энергетикалык жактан көз карандысыз болушубузга каршы чыгып, газ берүүнү токтотту. Тармактагы азыркыдай кырдаал чечилет, ушунун үстүндө иштер жүрүп жатат. Мунун бир мисалы - "Датка-Кемин" көмөк чордону",- деп билдирди депутат.

Айта кетсек, парламенттин бүгүнкү жыйынында энергетика жана өнөр жай министрлигине талапкер Кубанычбек Турдубаев Кыргызстанга 37 кичи ГЭС курууга болорун билдирди.

Автор: Автандил Добулбеков