Ысык-Көл облусунда күчү 6,5 баллга жеткен жер титирөө катталды

Ысык-Көл облусунда күчү 6,5 баллга жеткен жер титирөө катталды. ӨКМ билдиргендей, жер титирөө 28-январда саат 22:38 чамасында болду. Алдын ала берилген маалыматтар боюнча, кырсыктан адам өмүрүнө зыян келген учур болгон жок. Сейсмология институтунун маалыматы боюнча, жер титирөөнүн очогу Кыргызстан менен Казакстандын чек арасында, Каракол шаарынын 100 чакырым чыгыш тарабында орун алды. Жер титирөөнүн күчү Ысык-Көл облусунун аймагында 6,5 балл, Каракол шаарында 6 балл, Бишкекте 4 баллга жетти. Буга байлануштуу Өзгөчө кырдаалдар министри Кубатбек Боронов чукул жыйын өткөрүп, тиешелүү кызматтарга тапшырмаларды берди.