Бишкекте айдоочу 7-класстын окуучусун сүзүп кетти

2012-жылдын 5-ноябрында түшкү саат 12 жарымдар чамасында Бишкек шаарынын Ден Сяопин көчөсү менен Мессарош көчөсүнүн кесилишинде автокырсык болду. Ауди 100 автоунаасын башкарып бараткан адам жолдон жөө адамды коюп кеткен. Окуядан соң жабыр тарткан 7-класстын окуучусу оорукананын жандандыруу бөлүмүнө жеткирилип, ага "баш мээге оор сокку алган" деген диагноз коюлду. Бул окуя Бишкек ШИИБинин жол кыймылынын коопсуздугу башкармалыгынын кылмыш жана кырсыктарды каттоо китебине жазылды. Факт боюнча учурда иликтөө иштери башталды.

Автор: Автандил Добулбеков