Камчыбек Ташиев: “Партияларыбызды бириктирүү боюнча президент менен сүйлөшкөн жокпуз”

"Республика" жана "Ата Журт" партияларынын биригиши президент Алмазбек Атамбаев менен алдын ала сүйлөшүлгөн" деген сөз жалган". Муну 20-октябрда Бишкекте өтүп жаткан аталган партиялардын биргелешкен курултайында “Ата Журт” партиясынын лидери Камчыбек Ташиев билдирди. “Эч качан президенттин алдындагы кол бала оппозиция болбойбуз. Азыр оппозицияда болсок, эртең бийликке келишибиз мүмкүн. Биз эч ким менен сүйлөшкөн жокпуз, келечекти ойлоп, жүрөгүбүз менен чечим кабыл алдык. Биз оппозицияда болсок да, бийликте болсок да элдин эртеңки күнүн аныктоого аракет жасайбыз”,- деди Ташиев.