Орусия парламентинин өкүлү Валентина Матвиенко Бишкектеги Өчпөс отко гүлчамбар койду

Орусиянын Федерация Кеңешинин спикери Валентина Матвиенконун Бишкектеги иш сапары бүгүн, 20-октябрда Бишкектин "Жеңиш" аянтындагы Өчпөс отко гүлчамбар коюу менен башталды. Орусиялык өкүлдү Жогорку Кеңештин депутаттары коштоп барышты. Мындан ары Матвиенко Жогорку Кеңештин төрагасы Асылбек Жээнбеков менен жолугушуп, эки өлкөнүн кызматташтыгын талкуулашат. Эртең, 21-октябрда Орусия парламентинин өкүлүн президент Алмазбек Атамбаев менен өкмөт башчы Жоомарт Оторбаев кабыл алышмакчы.

Автор: Автандил Добулбеков