Бишкекте Жаштар күнүнө карата бир учурда 35 түгөй үйлөнүү тоюн өткөрөт

Жаштар, эмгек жана ишке орноштуруу министрлигинин басма сөз кызматынан маалымдашкандай, 10-ноябрь - Жаштар күнүнө карата 13-ноябрда Бишкек шаарында бир учурда 35 түгөй үйлөнүү тоюн өткөрөт. Үйлөнүү тойдун ачылышы "Ала-Тоо" аянтында башталып, шаарыбыздын ресторандарынын биринде эстрада жылдыздарынын катышуусунда жыйынтыкталат. Кошумчалай кетсек, үйлөнүү той Жаштар, эмгек жана ишке орноштуруу министрлигинин демилгеси жана колдоочулардын жардамы менен бекер өткөрүлөт. Аталган иш-чарадан фото жана видеорепортажды www.super.kg сайттан көрө аласыздар.

Автор: Айдай Асанбекова