Бишкекте 4-ноябрда энергетикадагы жаңы тарифтер талкууланат

Бишкекте 4-ноябрда электр энергиясы боюнча өкмөттүн жаңы тарифтик саясаты ишкерлер менен чогуу талкууланат. Муну бүгүн, 3-ноябрда Энергетика жана өнөр жай министрлигинин басма сөз кызматы кабарлады. Жыйынга энергетика жана өнөр жай министри Кубанычбек Турдубаев, Отун-энергетика комплексин көзөмөлдөө департаментинин директору Нурбек Элебаев, өкмөттүн алдындагы Инвестициялык кеңештин мүчөлөрү, ишкерлер, бизнес уюмдарынын өкүлдөрү катышмакчы.

Өкмөттүн тарифтик саясаты буга чейин аймактарда талкууланды. Жаңы тарифтер боюнча: Абонент электр энергиясын 700 киловатт-саатка чейин колдонсо 70 тыйындан, андан ашканына 2 сом 5 тыйындан төлөмөкчү. Мурункудай 1 же 3 фазалуу абонент деген болбойт.

Автор: Автандил Добулбеков