Кыргызстандын 298 бажы кызматкери аттестациядан өттү

Кыргызстандын Мамлекеттик бажы кызматынын кызматкерлери 27-октябрдан 12-ноябрга чейин аттестациядан өтүштү. Муну аталган органдын басма сөз кызматы 18-ноябрда билдирди. Жалпы 298 кызматкер сынак тапшырып, мунун 269у "ээлеген кызматына ылайык келет" деп табылса, 28 кызматкер 6 айдан кийин кайра аттестациядан өтмөй болушту. Бир кызматкер "кызматына ылайык келбейт" деп табылыптыр. Кайсы бөлүмдөн канча кызматкер сынак тапшырганы төмөндө:

Борбордук бажы кызматы - 54 кызматкер

"Манас" бажысы - 16 кызматкер

"Түндүк" темир жолу бажысы - 23 кызматкер

Чыгыш бажысы - 39 кызматкер

Батыш бажысы - 12 кызматкер

Кесиптик жана кинологиялык даярдоо борбору - 12 кызматкер

Камсыздоо борбору - 22 кызматкер

Борбордук аппарат - 32 кызматкер

Түштүк-Батыш бажысы - 88 кызматкер

Автор: Автандил Добулбеков