Асылбек Жээнбеков өкмөт башчыга: "Министрлерди тарбиялаңыз, сизден мурун залдан чыгышпасын"

Парламенттин 10-декабрдагы жыйынында спикер Асылбек Жээнбеков министрлерди өкмөт башчыдан мурун залдан чыкпоого чакырды. Төрага министрлерден жетекчини сыйлоону талап кылды. Өкмөт башчы Жоомарт Оторбаевге кайрылган спикер: "Экинчи жолу кайталанып жатат, сизден мурун орундарынан турушпасын. Бул мамлекеттик тартип. Буларды тарбиялап койбосоңуз болбой калды",- деди.

Оторбаев министрлерден күнөө издегиси келген жок. "Жумуштарына шашылып жатышат" деген кыска жооп узатты премьер.

Автор: Жамалидин Парманкулов