Алмазбек Атамбаев Куралдуу күчтөрдүн Башкы штабынын жетекчиси Асанбек Алымкожоевди кабыл алды

Бүгүн, 19-декабрда президент Алмазбек Атамбаев Кыргызстандын Куралдуу күчтөрүнүн Башкы штабынын жетекчиси Асанбек Алымкожоевди кабыл алды. Жолугушууда мамлекет башчыга Кыргызстандын Куралдуу күчтөрүн реформалоо боюнча Башкы штаб жүргүзүп жаткан иштер жана өлкөнүн аскер түзүмдөрүн бекемдөөнүн жүрүшү тууралуу маалымат берилди.

Алмазбек Атамбаев менен Башкы штабдын жетекчиси Асанбек Алымкожоев Кыргызстандын аскердик башкаруусунун борбордук органынын, анын ичинде эл аралык кызматташтыктагы иштерине тийиштүү маселелерди да талкуулашты.

Автор: Автандил Добулбеков