Белгилүү ырчы
Гүлзат Батырканова жол кырсыгынан каза болду. Ырчы 2-январь күнү кечинде Ысык-Көл облусунан келе жатып жол кырсыгына кабылган.
Маалыматка караганда, Гүлзат Батырканова жолдошу менен бара жаткан унааны каршы тилкеде келе жаткан унаа сүзгөн. Кырсыктан ырчынын күйөөсүнүн моюну сынып ооруканада жатканын маркумдун тууганы
Арстанбек Абдыманов билдирди. Гүлзат Батырканованын сөөгү эртең Кызыл-Дыйкан айылына коюлат.
Акыркы мезгилде телеканалдардын бириндеги “Сармерден” шоу-программасында алып баруучу болуп эмгектенип жүргөн.
SUPER.KG порталынын эмгек жамааты кыргыздын атактуу ырчысы Гүлзат Батырканованын көз жумганына байланыштуу үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтат.