Тургуналы Нурматов Кыргызымдын жигиттери

Жүктөлгөн: 31-08-2015

Көчүрүү

02:53

31.86 Мб

Жанр: Эстрада

Тургуналы Нурматов "Кыргызымдын жигиттери"

Сөзү : К.Урманбетовдуку

Обону : Т.Нурматовдуку

Ала качып, ала качып, ала качып,
Аргымактар арыш керет.
Азанатып, азанатып, азанатып,
Азаматтар намыска бек.
Шамдай жанып алышып,
Шамал менен жарышып,
Жүзүн сүртүп булутка,
Жүрөгү - от, каны ысык.
Ала-Тоону бел кылып,
Ата Журтту дем кылып.
Абалтадан шок болот,
Алоолонгон от болот.
А болбосо жок болот,
Кыргызымдын жигиттери!

Дүңгүрөтүп, дүңгүрөтүп, дүңгүрөтүп,
Жердин бетин тулпар келет.
Дүркүрөтүп, дүркүрөтүп, дүркүрөтүп,
Дүйнө жүзүн шумкар келет.
Кубанышат кыргыздар,
Кучак жайып жылдыздар.
Ал анткени алардын,
Арасында Чыңгыз бар.
Аалам кезет жомоктой,
Ак калпагын жоготпой.
Акыл-эсин камчылап,
Аккуладай алкынат.
Ай-жылдызга талпынат,
Кыргызымдын жигиттери!

Учту мына, учту мына, учту мына,
Айчүрөкпү же ак куубу?
Шукшурула, шукшурула, шукшурула,
Жигит шумкар сыяктуубу?
Закымдады кыз улам,
Жакындады боз улан.
Ана жетти, жетти, жетти,
Бек кучактап кетти, кетти, кетти.
Ак сүйүүгө бек болот,
Ак достукка чеп болот.
Кызыл гүлүң соолбосун,
Кыдыр болуп жолдошуң,
Кыраан Манас колдосун,
Кыргызымдын жигиттери!
Кызыл гүлүң соолбосун,
Кыдыр болуп жолдошуң,
Бабам Манас колдосун,
Кыргызымдын жигиттери!

Комментарийлер (4)

UkAA

2015-08-31 16:00:26

Сонун клип кыргызымдын жигиттери бар болсун!

meerim11

2015-08-31 17:36:31

Бар болгула кыргызымдын жигиттери!

88inara88

2015-09-01 21:13:51

сонун ырдаптыр,аябай жакты клипда ырда.

joker007

2015-09-02 16:07:47

Сонун ыр,сонун клип болуптур.Кыргыздын жигиттери бар болгула алгаааа.....

Комментарий калтыруу үчүн өз ысымыңыз менен кириңиз же каттоодон өтүңүз.