Тата Улан Келатат жаштар

Жүктөлгөн: 13-10-2020

02:41

58.27 Мб

Жанр: Рэп (Хип-хоп)

Тата Улан "Келатат жаштар"

Отуз жыл сыздаттың элимди,
Сызыктай куурудуң сезилди!
Сыдырып май баскан, көзүңдү,
Күзгүдөн карасаң өзүңдү.

Элимдин ыйынан ичкенсиң,
Элимдин сыйынан кеткенсиң!
Отуз жыл эмнени кыйраттың,
Элимди талаага тентиттиң!

Элиңдин байлыгын бүт саттың!
Балаңдын мекенин кыскарттың!
Мөңгүнү сатканда муздаттың,
Эмне дейт чөбөрөң акмактын.

Бийлигиң эмне мынча ширин,
Жүрөгүң каптап кеткен ириң!
О пенде оңолбосоң болбойт,
Тозогуң акыретте тойбойт!”

Байлыгың, бул дүйнөдөн кетпейт,
Акылыңа кантип ушу жетпейт.
Меники”- деп карганасың өзүң,
Сеники он үч метр кепин.

Карасаң, келатат артыңан,
Келатат жаштардын заманы.
Бакубат каарылык кааласаң,
Алыска таштагын арканды.

***
Келатат жаштар, келатат!
Элиңдин эсебин жебеген,
Келатат жаштар, келатат!
Намыстуу шерлериң, керилген!

Келатат жаштар, келатат!
Замандын ташына курчуган.
Келатат жаштар, келатат!
Айкөлдөр кыраандар келатат!

Келатат жаштар, келатат!
Элиңдин эсебин жебеген,
Келатат жаштар, келатат!
Намыстуу шерлериң, керилген!

Келатат жаштар, келатат!
Замандын ташына курчуган,
Келатат жаштар, келатат!
Чыдай тур! Артыңан келатат!

Келатат, келатат, келатат!!!

Комментарийлер (2)

IRA

2020-10-23 20:08:44

молодец, аябай сонун, маанилуу ыр болуптур. Онорун оркундой берсин.

AminaAli

2020-10-27 18:27:03

Keremet ir eken Rahmat sizge Tata Ulan! Chigarmachilik iygilikter bolsun!!!

Комментарий калтыруу үчүн өз ысымыңыз менен кириңиз же каттоодон өтүңүз.