Саясаттан кетем деген Бабанов депутаттык мандатын тапшыра элек

Мындан 11 күн мурда 30-декабрда Өмүрбек Бабанов саясаттан биротоло кете турганын жарыялаган. Бирок бүгүнкү күнгө чейин ал Борбордук шайлоо комиссиясына мандатын тапшыруу боюнча арызын бере элек. “Республика-Ата Журт” фракциясынын катчылыгы бул боюнча маалыматтары жоктугун билдиришти. Өмүрбек Бабанов саясаттан кеткенден кийин бизнес менен алектенип, социалдык долбоорлорду ишке ашырууга көңүл бура турганы айтылган. Президенттик шайлоодон кийин Өмүрбек Бабановго карата "улуттар аралык кастыкты козутуу" жана "Конституциялык түзүлүштү күчкө салып өзгөртүүгө эл алдында чакырык жасоо" беренелеринин негизинде кылмыш иши козголгон. 2017-жылдын октябрь айындагы президенттик шайлоодон кийин Өмүрбек Бабанов өлкөдөн чыгып кеткен боюнча кайтып келе элек. Айрым маалыматтарга караганда, анын Орусияда дарыланып жатканы айтылат.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

Автор : Жылдыз Джускембаева

Оператор : Кайрат Сарбагышев

“Абактагы күндөрдү эстегим келбейт”, - дейт министр

«Жакшы адамдардын жаман комментарийлери жүрөккө тиет» дейт Нуржигит Кадырбеков

«Президент өзү жоопкерчилик алып жаткандан кийин ага ишендим » дейт Кубанычбек Самаков

Мектептерде ысык тамак жоюлабы?