Бишкекте айрым автобус каттамдары убактылуу өзгөртүлдү

Бишкектеги Рыскулов көчөсү менен Жаш Гвардия бульварынын кесилиши убактылуу жабылганына байланыштуу айрым автобус каттамдарынын кыймыл схемасы өзгөртүлдү. Бул тууралуу калаа мэриясы билдирет.

Анда кабарлангандай, курулуш иштери 7-апрелден 23-апрелге чейин жүргүзүлөт. Бул аралыкта айрым автобустар төмөнкү дарек боюнча каттайт:

• №7, №34 жана №102 автобус каттамдарынын багыты убактылуу өзгөртүлүп, Жаш Гвардия бульвары аркылуу жүрүшөт;

•№133, №161, №173, №200, №211, №218 жана №290 кичи автобус каттамдарынын кыймыл багыты жарым-жартылай өзгөртүлүп, Жибек Жолу проспектиси аркылуу айланып өтүшөт.